Ika-7
ng Disyembre, araw ng Linggo, isang araw na nagbigay kabuluhan
sa labing-siyam na kasapi ng Unit 1 nang pagpasiyahan na gugulan
ng kaunting panahon at handugan ng isang maagang "Christmas
party" ang ilang anak ng mga bilanggo sa National Bilibid
Prisons sa Muntinlupa.
Labing-siyam
lang ang nakarating at kabilang na doon ang aming Assistant Principal
na si Teacher Cleo Perez ngunit ganoon pa man nakatutuwa kung
paano nagtulungan ang bawat isa sa buong Unit lalung-lalo na sa
mga hindi nakasama sa pagbigay na lamang nila ng tulong pinansiyal
sa abot ng kanilang makakaya. Malayo ang narating ng perang aming
napagsama-sama.
Si
Teacher Isa Saplala, na isang Philippine Jesuit Prison Service
volunteer, ang siyang nakipag-ugnayan kay Fr. RB Hizon, SJ upang
ipagbigay-alam ang aming balakin at isaayos ang lahat. Sina Teacher
Janice Jacobe at Teacher Ria Orqueza, ang mga namili ng mga papremyo
at mga munting regalong "school supplies." Tumulong
din sina laoshi Benita Chua at laoshi Celia Sy para sa paghanda
ng mga regalo.
Nagpulong-pulong
kaming lahat para sa paghahanda ng palaro at palabas at bawa't
isa sa amin ay may ginampanan sa araw na 'yon.
Linggo
ng Umaga, sakay kaming lahat ng coaster kasama si Mang
Albert. Halos lahat ay nakapula at may suot pang 
"Santa's
hat." Bitbit namin ang aming inihandang regalo, papremyo,
gamit sa palaro, inumin at handang pagkain na isinaayos pa ni
Bb. Cita Carluen. Siyempre naman hindi namin nakalimutan ang cassette
para lubusin ang saya. At higit sa lahat, dala namin ang pagnanasang
magbigay-kasiyahan sa kahit isang araw lamang namin na pagbisita.
Nagsimula
ang lahat nang gumiling si Teacher Marlene Cruz at ang kanyang
"Fruit Salad gang" sa harap ng mga 
iskolars
at ilang nanay na sumama. Sunod-sunod ang mga palaro. At habang
ang lahat nang ito ay nangyayari, makikita sa isang sulok sina
Teacher Len Gantioqui, Mark Santos, Ryce Cortez, Pat Villaluz
at Joey Villanueva na nag-alay ng kanilang kakayahan sa face
painting para sa lahat. Ibinahagi rin ni Bb. Thet De Leon
ang kanyang pambihirang kakayahan sa pag-awit. Hinaranahan din
kami ng mga iskolars ng isang awitin.
Nagsalo-salo
kami sa isang simpleng pananghalian na aming dala-dala. Bago kami
pumasok sa kapilya para sa misa ng ika - isa ng hapon, ipinamahagi
namin ang aming regalong school supplies para sa mga High School
at College iskolars. Sari-saring laruan naman ang natanggap ng
mga Elementary School scholars.
Nakinig
kami sa misa na pinamunuan nina Fr. RB at Fr. 
Willy
kung saan isinadula ng ilang mga iskolars ang "Panunuluyan"
ng buong husay. Nagkuhanan ng litrato at nagpasabog kami ng candy.
Kitang-kita at damang-dama ang saya.
Nang
natapos ang lahat, naramdaman ko na may luhang tumulo sa aking
mga mata, kakaiba ang aking naramdaman. Isang damdaming hindi
maipaliwanag ang lubos na kasiyahan. Isang karanasang nagbigay
saysay at kabuluhan kung bakit kami napadpad doon. Maaaring
naghandog kami ng regalong kayang tumbasan ng salapi, pagkaing
kayang tapatan ng higit pa sa aming nakayanan ngunit ang diwa
at kahulugan ng buong pangyayari kahit sandali lamang ay walang
kapalit.
Umuwi
kami na may ngiti sa aming mga labi at dala-dala ang isang alaalang
nagpadama sa aming lahat ng tunay na diwa ng Pasko. Sa susunod
na pagkakataon, siguradong kasama ulit kami. Tiyak 'yan,
tiyak 'yan!
Si Bb.
Mina M. Bona ay ang kasalukuyang Nursery Coordinator. Ang
ibang miyembro ng Unit I na nakibahagi sa gawaing ito na hindi nabanggit
ay sila Tess Elicanal, Jaymee Ng, Mel Nierva, Gail Almorade, at
Jane Diaz.
)
)
)
)
